သင်၏ကိုယ်စား ပြောခွင့်ရပုဂ္ဂိုလ်

ဆယ်နှစ်တာ အချိန်ဇယားများကြောင့်
သင်၏ နှောင့်နှေးမှုကို သည်းမခံလို
ကျွန်ုပ်သည် ထွက်ခွာရတော့မည်ဖြစ်ပြီး
သင်နှင့် အပေါင်းပါတို့သည် ကျောက်ဆူးကို ဆက်၍သာ ချထားသည်
သင့်ကို တောက်ပခွင့်ပေးလျက်
သင်သည် ကားစင်ကို ဗလာမထား ရန်မူလျက်ရှိသည်
သင်၏ ချုပ်တီးမှုများအတွက် တော်လှန်ရေးအား
ကျွန်ုပ်၏ ရင်တွင်မဖြစ်ပွားစေလို
သင့်အမုန်းတရားများအတွက် ပူလောင်မှုကို
ကျွန်ုပ်ပါးပြင်သို့ မလွှဲပြောင်းစေလို
ထွက်ခွာတော့မည့် ရထားတစ်စင်း၏ နှောင့်နှေးမှုသည်
ရောက်လာလတ္တံ့သော လက်ဆောင်များကို ဂဏာမငြိမ်စေသည်
ကျွန်ုပ်သည် သင့်အား
မကြာခင်ကျောခိုင်းတော့မည့် နွေဦးနှင့်အတူ လိုက်ပါ၍
အပျက်ပျက်နှင့် ကယောက်ကယက် တို့ကို ပွဲသိမ်းစေလိုသည်
ဤအရာသည်
ညွှန်ကြားချက်တစ်ခု၊ အကြံအဉာဏ်တစ်ခု၊ အမိန့်တစ်ခုဖြစ်ပြီး
နောက်ဆုံး ခြိမ်းခြောက်လိုသည်မှာ
ကျွန်ုပ်သည် တံခါးကိုဖွင့်ပြီး ကောင်းကင်ကို မော့ကြည့်လျက်ရှိသည်
အေဂျေခရိုနင်၏ လှုပ်လိလှုပ်လဲ့ ရဲတိုက်ကို
ဖောက်ခွဲဖျက်စီးခဲ့သူသည် ကျွန်ုပ်ပင် ဖြစ်ပြီး
ကျွန်ုပ်၏ နှုတ်ခမ်းတွင် သကာနှင့် အတူ တမာကိုပါ
သင့်အားပြုံးပြနှုတ်ဆက်ရန် တပ်ဆင်ထားပြီး
ရွေးချယ်မှု ပြုချင်းသည် သင်၏အခွင့်အရေးသာဖြစ်သည်။
ကျွန်ုပ်၏ မုန်တိုင်းကာလများ
ပြီးဆုံးသွားခဲ့ပြီ။

31st March, 2010